Greqia i dhuron Shqipërisë 20 mijë vaksina anticovid. Greqia do t’i dhurojë vendit tonë 20 mijë vaksina anticovid. Ambasada shqiptare në vendin fqinj ka bërë të ditur lajmin.
“Greqia i dhuron Shqipërisë 20 mijë vaksina. Sipas deklaratës zyrtare së zëdhënëses së qeverisë greke znj. Aristotelia Peloni, Greqia fqinje do t’i dhurojë Shqipërisë 20.000 doza të vaksinës kundër Covid-19, siç bëjnë shumica e vendeve evropiane për fqinjët e tyre të afërt. Ecim përpara në bashkëpunimin mes dy vendeve dhe në projektet tona të përbashkëta”, shkruhet në njoftim.
