Pamja që Ministrja e Arsimit, Evis Kushi ka publikuar në rrjetet sociale nga vizita në Hungari nuk ka asnjë lidhje me qëllimin e vizitës së saj në Hungari, si pjesë e delegacionit të qeverisë shqiptare atje. Por sigurisht që tregon shumë se sa ndikojnë tek një grua manierat prej xhentëllmeni nga ana e një mashkulli. Një përkulje e presidentit Viktor Orban dhe një puthje kortezie në dorë, duket se i ka shijuar goxha ministres sonë.
Që ajo ka mbetur e kënaqur me xhentilesën e 58-vjeçarit Orban, duket më së miri nga një buzëqeshje rrezatuese e ministres, së cilës fytyra i shkëlqen nën diellin e Budapestit këtë të martë.
Edhe komentuesve dashamirës nuk kishte si t’i shpëtonte kimia mes dy zyrtarëve të lartë e kapur bukur në këtë foto, që Ministrja e Arsimit ka publikuar në Facebook. “Me shikim të parë…” shkruan njëri prej komentuesve, që është fshirë pastaj nga vetë Kushi.
