Marrëdhëniet e presidentit Ilir Meta, si me kryeministrin Rama, ashtu edhe me ambasadoren e SHBA janë në një ndër pikat më të dobëta për shkak të situatës së konfliktuar para dhe pas zgjedhjeve. Kjo u vu re edhe në ditën e hapur të stërvitjes Defender 21 në sheshin Nënë Tereza në Tiranë, ku përshëndetjet mes tyre janë shmangur në nisje të ceremonisë.
Siç shihet edhe nga foto, ambasadorja amerikane Yuri Kim është ulur në krahun e majtë, në anën e kryeministrit Rama, ndërsa presidenti Meta është veçuar në pjesën e ndarë të grupit. Gjithsesi në nisje të takimit, ambasadorja amerikane i është drejtuar nominalisht edhe presidentit Meta, edhe kryeministrit Rama.
