Padia e Sali Berishës ndaj kreut të diplomacisë amerikane është një nga cështjet më të komentuara të politikës së ditës në Shqipëri. Por gjasat që të ndryshojë dicka në raportin e ish-kryeministrit me Shtetet e Bashkuara të Amerikës, janë të pakta. Eksperti amerikan i së drejtës ndërkombëtare Paul Williams, profesor në Fakultetin e Drejtësisë në Universitetin Amerikan në Uashington, i tha Zërit të Amerikës se “Sekretari i Shtetit Tony Blinken gëzon imunitet për veprimet zyrtare. Në Shtetet e Bashkuara, gjykatat nuk ndërhyjnë në politikën e jashtme. Nuk e di se çfarë do të thoshin gjykatat franceze, përveçse që kjo është një mosmarrëveshje midis një jo-shtetasi dhe një shteti të huaj, kështu që ata nuk do të kishin juridiksion” mbi një çështje të tillë, nënvizoi zoti Williams
