Partia Demokratike ka vendosur të shkojë në zgjedhje për të zgjedhur kryetarin dhe kryesinë e saj të re.
Në mbledhjen e kryesisë së mbledhur këtë të diel, Sekretari i Përgjithshëm Gazment Bardhi ka deklaruar se PD do të futet në proces zgjedhjesh.
Nga data 16 deri në 22 maj do të jetë afati për dorëzimin e kandidaturave për kryetar të PD.
Në 23 maj do të bëhet miratimi i kandidaturave.
Nga 24 maji deri në 11 qershor do të ketë fushatë të kandidatëve në bazë ndërsa në 13 qershor anëtarët e PD do të votojnë për kryetarin e ri.
Pritet që Lulzim Basha të rikandidojë për një mandat të tretë në krye të PD. Zgjedhjet duhet të mbaheshin në korrik, por ato janë tërhequr me 1 muaj më herët. ©LAPSI.al
