Gjashtë persona kanë përfunduar në prangat e policisë pasi akuzohen për vepra të ndryshme penale.
Ata akuzohen për drejtim makine nën efekt lëndësh narkotike, posedim kanabisi, dhunë ndaj bashkëshortes, mbajtja e armëve të ftohta, dhe drejtim i mjetit në gjendje të dehur.
"K. A., 27 vjeç, pasi është konstatuar nga Forca e Posaçme “Shqiponjat” duke drejtuar mjetin nën efektin e lëndëve narkotike. Gjithashtu gjatë kontrollit të ushtruar në mjet iu gjet dhe iu sekuestrua një sasi me lëndë narkotike kanabis ;
M. J., 20 vjeç, pasi gjatë kontrollit fizik të ushtruar nga Forca e Posaçme “Shqiponjat” iu gjet dhe iu sekuestrua një sasi me lëndë narkotike kanabis.
Nga specialistët për Hetimin e Krimit në Komisariatin e Policisë Nr.2 u bë arrestimi në flagrancë i shtetasit A. Ç., 62 vjeç, pasi ka ushtruar dhunë fizike dhe psikologjike ndaj bashkëshortes së tij.
Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasve :
I. L., 21 vjeç dhe H. S., 20 vjeç ,pasi Forca e Posaçme “Shqiponjat” gjatë kontrollit të ushtruar në mjetin me të cilin qarkullonin këta shtetas gjetën dhe sekuestruan në cilësinë e provës materiale 4 armë të ftohta.
Specialistët e Qarkullimit Rrugor bënë arrestimin në flagrancë të shtetasit P. S., 51 vjeç, pasi u kap duke drejtuar mjetin në gjendje të dehur në masën 0.99 mg/l." - thuhet mes të tjerash në njoftimin e prokurorisë.
