Qendra Spitalore “Nënë Tereza” reagoi në lidhje me vdekjen e 3 anëtarëve të familjes Haliti nga Gjilani, që humbën jetën nga helmimi pasi konsumuan kërpudha.
Lexo më tej: Durrës/ Vdekja e familjes nga Gjilani, procedohen penalisht dy mjekët
Në një reagim për mediat, QSUT thekson se nëna, djali dhe nusja, kishin shkuar në spital në gjendje të rëndë, ndërsa situata u vështirësua edhe më shumë gjatë mbrëmjes.
Sipas QSUT-së, fillimisht ka ndërruar jetë Ilfete Haliti, 78 vjeçare dhe një ditë më vonë kanë ndërruar jetë edhe bashkëshortët Afrim dhe Ferzinaze Haliti, përkatësisht 56 dhe 47 vjeçe.
“Paraditen e dt. 06.05.2021 në Urgjencën e Sëmundjeve të Brendshme QSUNT, pacientët I. H mosha 78 vjec, A. H mosha 56 vjec dhe F. H mosha 47 vjec, janë paraqitur me ambulancë, me diagnozë “intoksikacion nga kërpudha. Gjendja e pacientëve paraqitej e rëndë.
Pasi i jane kryer gjitha ekzaminimet dhe konsultat sipas protokolleve mjekesore te urgjences dhe jane hospitalizuar fillimisht ne Shërbimin e Toksikologjisë dhe pas dhe në mbrëmje për shkak se gjendja e tyre u përkeqësua u trasferuan në Shërbimin e Reanimacionit Qendor. Pavaresisht perpjekjeve te mjekeve, ata kanë ndërruar jetë pranë ketij sherbimi: pacientja I. H dt 06.05.2021, pacienti A. H ne dt. 07.05.2021 dhe pacientja F. H ne dt. 08.05.2021”, thuhet në deklaratë.
