2 persona janë arrestuar nga policia e Shkodrës në afërsi të zonës së spitalit. Mësohet se në një mjet tip “Land Rover”, ku ishin duke udhëtuar dy personat, emrat e të cilëve nuk janë bërë të ditur, janë gjetur mijëra fara të bimëve narkotike të paketuara në kutia me një vlerë të konsiderueshme monetare.
Dyshohet se farat do të transportoheshin drejt zonave të thella të Dukagjinit për t’i mbjellë atje me qëllim kultivimin e lëndës narkotike canabiss sativa.
Mësohet se njeri nga të arrestuarit është nga Malësia e Madhe ndërsa tjetri nga lagja Xhabiej në Shkodër. Policia është duke vijuar punën për zbardhjen e plotë të kësaj ngjarje.
