Një 25-vjeçare nga Mali ka lindur 9 foshnje njëherësh, 2 më shumë sesa kishin zbuluar mjekët gjatë skanimeve. Halima Cisse lindi fëmijët në Marok. Qeveria e Malit e transferoi atje për një trajtim më të specializuar.
"Jam shumë i lumtur", - tha burri i saj për BBC duke shtuar: "Gruaja ime dhe foshnjet, 5 vajza dhe 4 djem janë mirë".
Më herët një grua që kishte lindur 8 foshnje në SHBA në vitin 2009 mbante Rekordin Botëror Guinness për më shumë fëmijë të lindur në një lindje të vetme.
9-njakë ka pasur edhe 2 herë të tjera, i pari i një gruaje në Australi në 1971 dhe një tjetër në Malajzi në 1999, por asnjë nga foshnjat nuk mbijetoi më shumë se disa ditë.
Rekordin e 8-njakëve e mban Nadya Suleman, fëmijët e të cilës janë rritur dhe tani janë 12 vjeç. Ajo i konceptoi ato përmes fekondimit in vitro. Çifti kishte më herët edhe një vajzë më të madhe. ©LAPSI.al
