Pasditen e së martës kreu i Partisë Demokratike Lulzim Basha ka zhvilluar për më shumë se 1 orë një takim me deputetët e rinj dhe kandidatët jo fitues të zgjedhjeve të 25 prillit. Sipas asaj që raportojnë mediat nga burime nga brenda mbledhjes mësohet se Basha u ka komunikuar deputetëve rrugën që do të ndjekë më tej opozita.
Kryedemokrati ka deklaruar se fillimisht do të përfundojnë procesin e mbledhjes së provave për të faktuar sipas tij masakrën zgjedhore dhe më pas do të flasin me forumet për hapat e ardhshëm që lidhen me hyrjen në parlament.
“Ne duhet të përfundojmë gjithë procesin e mbledhjeve te fakteve për masakrën elektorale në lidhje me zgjedhjet dhe pastaj do të flasim me forumet përkatëse për hapat e ardhshëm,” – mësohet të ketë thënë Basha. ©LAPSI.al
