Fushata për 25 prillin ka mbaruar dhe votat janë numëruar, por në ERTV vazhdon intensivisht puna për montimin e spoteve publicitare për projektet e mandatit të tretë. Një i tillë u shfaq sot në mëngjes në profilin e kryeministrit Rama në Facebook, ku tregohet në 3D se sa i bukur do të jetë aeroporti i Vlorës që do të sjellë edhe udhëtarë nga New York. Për të bindur më shumë se do të sjellë udhëtarë direkt nga Amerika, montazhierët e ERTV kanë vendosur në video edhe një tabelë ku shkruhet New York, mbi të cilën fluturon një avion.
Pjesa tjetër është një kolazh pamjesh nga Vlora të përshkruara me një zë të ndjerë nga kryeministri Rama dhe ministrja e infrastrukturës Balluku, zërat e të cilëve do t’i kishte zili çdo redaksi lajmesh.
Nuk përjashtohet mundësia që video të jetë montuar edhe gjatë ditëve të fushatës, por duke qenë se hapësira televizive ka qenë e kufizuar, materiali mund të ketë mbetur stok në rrjetin e ERTV dhe drejtuesit kanë menduar ta transmetojnë tani që zgjedhjet kanë mbaruar. Ndiqeni më poshtë:
