Gazetari Arjan Çani kishte të ftuar këtë të premte në emisionin e tij “Zonë e Lirë” deputeten e PS-së Elisa Spiropali ku u fol normalisht për rezultatet e zgjedhjeve të së dielës. Çani tha se e kishte parashikuar një fitore të PS dhe se ajo nuk ishte fitorja e partisë, por e shtetit që ka nga pas.
“Që fituat, fituat. Bravo ju qoftë. Fitoi shteti, jo partia. E bëtë edhe me emërime në administratë. Ja çfarë më shkruan një sms: “Çani, në karrigen time janë ulur 3 të tjerë këtë muaj. Ulemi të gjithë nga 3 orë”.
Fitorja juaj ka qenë pas një punë kapilare. Nuk ka çudita. Ju nuk keni vjedhur ditën e zgjedhjeve. Unë flas për mënyra dhe taktika më herët. Rama na bëri një gjë të mirë për interes publik. Na hoqi qafe atë Pandi Majkon se ai nuk durohej” – tha Çani. ©LAPSI.al
