Kritikët e Lulzim Bashës që ishin në pritje të një dorëheqje të tij si kryetar i PD-së pasi nuk mundi ta sillte në pushtet partinë as në këto zgjedhje do të mbeten të zhgënjyer.
Me drejtuesit politik të PD në qarqe përkrah dhe dhjetëra të rinj mbështetës të PD, Lulzim Basha tha se për PD beteja sapo ka filluar.
"Ai që mendon se do të dorëzohemi-, tha Basha duke nënkuptuar kundërshtarin e tij politik-, nuk na njeh mirë".
Ndonëse demokratët janë të bindur se Rama ka kryer një masakër elektorale, akuza kundër Bashës është se ai nuk arriti ta ruajë dot procesin, siç pati premtuar. Kjo është dhe arsyeja se përse ish presidenti Nishani, anëtari i kryesisë Fatbardh Kadilli, kanë kërkuar dorëheqjen e tij. Ndërkohë thirrje të këtij lloji pritet të bëjnë sipas informacioneve të Lapsi.al edhe Genc Pollo apo Arben Imami apo dhe demokratë të tjerë.
https://lapsi.al/2021/04/27/bujar-nishani-kerkon-doreheqjen-e-lulzim-bashes-pergjegjes-per-humbjen/
Gjatë fjalimit që Basha e mbushi me sllogane nuk kishte asnjë qëndrim, por vetëm alibi: "Ne jemi më të vendosur se kurrë, kushdo që mendon se do të dorëzohemi nuk na njeh mirë. Ne do ta vazhdojmë betejën me gjithë fuqinë tonë, do të vazhdojmë të luftojmë me gjithçka për demokracinë, ne do të vazhdojmë të luftojmë deri në fitore se misioni jonë është më i madh se gjithë ne. Po u dorëzuam ne Shqipëria nuk ka asnjë mundësi dhe kjo nuk do të ndodhë kurrë".
©Lapsi.al
