"Peppa Pig" u hoq nga aplikacioni Douyin, duke bërë që deri në 30.000 video të serialit vizatimor për fëmijë të mos shihen, sipas raporteve në mediat kineze.
Censura erdhi pasi Peppa Pig, filloi të lidhej më një nënkulturë të përdoruesve të internetit, të njohur si "shehuiren" ose "society people" - njerëz të shoqërisë, një grup për të cilin thuhet se pjesëmarrësit kanë qëndrime anti-qeverisjeje apo "sjellje gangstere".
Këta njerëz thuhet se kanë përdorur karakterin e serialit vizatimor në meme, video dhe në kontekste "vulgare". Global Times shpjegoi se "njerëzit e shoqërisë" që e kanë përqafuar Peppa-n si simbolin e tyre, janë ata "që bien ndesh me vlerat e shoqërisë dhe zakonisht, nuk kanë një punë të qëndrueshme".
"Ata janë dembelë të pabindur që enden në rrugë dhe antiteza e brezit të ri që Partia Komuniste (në pushtet) përpiqet të kultivojë."
Nuk është hera e parë që një personazh vizatimor ndalohet të transmetohet në Kinë. Më parë, "Winnie the Pooh" u censurua, sepse njerëzit në internet filluan ta krahasonin ariun me presidentin Xi Jinping.
Ndërkohë, Peppa Pig është ndaluar edhe në Australi. Aty u hoq një episod i tërë ku kukulla në fjalë takonte një merimangë dhe të dy bëhen miq. Arsyeja është se në Australi gjenden plot 836 lloje merimangash. Disa prej tyre janë helmuese dhe tepër të rrezikshme. Kështu episodi u konsiderua një shembull negativ.anabel
