Andi Bushati: Përtej rrahjes së shpatullave prej Makronit
Shtypi gjerman hodhi sot dyshime të forta se Rama ka korruptuar deputetë të CDU/CSU në Bundestag për ti përdorur ata pr vevojat e tij politike. Por nga ana tjetër kryeministri ka reaguar ashpër për shfaqen e një komisionerje të BE në aktivitetet elektorale të PD-së.U takuan me Ramën pa ambasadorin/ Shtypi gjerman ngre hije dyshimi për deputetët CDU/CSU
Komisionerja e BE për inovacionin, kulturën dhe edukimin Mariya Gabriel (foto poshte), iu bashkua online një bashkëbisedimi të kreut të PD Lulzim Basha me tematikë arsimin. Gjithçka dukej e organizuar për të treguar mbështetjen për opozitën. Këtë hipotezë e përforconte më shumë edhe fakti se bullgarja Gabriel bën pjesë në një parti të djathtë aleate me PD që renditen ne grupin e PPE në parlamentin europian.
Pamjet e këtij takimi me nota elektorale u transmetuan direkt nga selia e PD. Kaq u desh që Ramës, që i përdor edhe vetë këto manovra ti ikë truri. Kryeministri e komentoi pjesëmarrjen e komisioneres Gabriel në këtë takim të PD si përfshirje të sajën në fushatën elektorale të rivalit , duke mos i kursyer kritikat përmes dy postimeve në Twitter.
“Në dijeninë time Komisioni Europian nuk e ka zakon të fusë hundët në fushatat elektorale dhe unë pres ta mësoj zyrtarisht e publikisht nga Brukseli, nëse e kam unë gabim e ndoshta komisionerët kanë vërtetë të drejtë të bëhen palë kur popujt e Europës zgjedhin qeveritë e tyre”!
Edi Rama i drejtohet edhe me një kërkesë Brukselit kur thotë: Dikush në Bruksel duhet t’u thotë komisionerëve që harxhojnë kohën e punës së paguar nga taksat e popujve të Europës, për të bërë video-muhabete elektorale me Lulëzim Bashën, se kjo quhet ndërhyrje në fushatën e brendshme elektorale të një vendi kandidat për në BE”!
Nga ana tjetër Basha që ka vetëm fitim nga kjo lloj polemike, reagoi duke iu shmangur thelbit të çështjes nëse ai e kishte përdorur për fushatë komisioneren bullgare aleate të PD-së. Ai u përgjigj me një sllogan për përkatësinë perendimore të parisë së tij: “Unë, PD dhe shqiptarët e kemi përcaktuar rrugën tonë që në dhjetorin ‘90: ajo është rruga që të çon në Europë. Sot të gjithë e kuptojnë se pa u afruar me BE, Shqipëria nuk do të mund të bëjë përpara. Për 8 vjet, jo vetëm që Rama nuk bëri asgjë për ta afruar integrimin, por ai bëri hapa prapa” tha lideri demokrat.
Basha i përgjigjet Ramës: I habitshëm nervozizmi, rruga e PD rruga e Europës
Në fakt shfaqja e komisioneres Mariya Gabriel në takimin e Bashës është një gjë jo e zakonte në një fushatë elektorale, por ama reagimi i shproporcionuar i kryeministrit dëshmoi edhe njëherë nervozizmin e atij që do të ketë privilegjin për ti thyer regullat vetëm vetë. ©Lapsi.al
