Durrësi, zona elektorale ku kandidon vetë kryeministri i vendit, u trondit mëngjesin e së hënës nga një tjetër ekzekutim mafioz. Menjëherë dolën në sipërfaqe emrat e zakonshëm të bandave kriminale që “mbretërojnë” në këtë qytet. Viktima e radhës është Edmond Koçi, 43 vjeç, ish-anëtar i bandës së Durrësit, i njohur ndryshe si “Mond Çekiçi". Ngjarja ndodhi rreth orës 08:40, në lagjen 16, pranë Drejtorisë Arsimore, pranë shtëpisë së prindërve të tij.
Si ndodhi ngjarja
Dëshmitarët thanë se dëgjuan 2 breshëri kallashnikovi. Autorët i prenë rrugën me makinë, furistradës Mercedes Benz ML të Koçit. Shoferi, mik i viktimës doli nga automjeti dhe iu drejtua me fjalët: “Ça ka?”. pory nga makina tjetër kanë dalë 2 persona të armatosur. Të dy kanë qenë të kamufluar me veshje ushtarake dhe të maskuar me shall e kapuç. Ata kanë hapur zjarr ndaj Çekiçit duke e lënë të vdekur në vend. Është e paqartë se si shoferi mundi t’u shpëtojë plumbave.
[video width="848" height="480" mp4="https://cdnimpuls.com/lapsi.al/wp-content/uploads/2021/03/WhatsApp-Video-2021-03-20-at-09.36.02-1.mp4"][/video]
Policia e Durresi ka shoqeruar mbi 20 persona lidhur me vrasjen e Edmond Koçit, mes tyre edhe shoferin e viktimës, ky i fundit deshmitare okular në momentin e ekzekutimi.
Lapsi.al mëson se në dëshminë që ai ka dhënë para hetuesve ka thënë se pasi i prenë rrugën me makinë, autorët janë afruar në anën e pasagjerit, ku po qëndronte Edmond Koçi. Ai ka sqaruar se ai doli nga makina të kërkonte sqarime, por autorët pasi shkëmbyen pak fjalë e kane qëlluar me breshëri automatiku, kur viktima mbylli derën.
[video width="848" height="480" mp4="https://cdnimpuls.com/lapsi.al/wp-content/uploads/2021/03/WhatsApp-Video-2021-03-20-at-09.36.01.mp4"][/video]
“Sapo dëgjova të shtënat ne panik e sipër jam larguar nga automjeti në rrugicën ngjitur. Nëse do të qëndroja aty do të më vrisnin edhe mua. Nuk i njoh personat që qëlluan dhe as kam dijeni nëse Mondi kishte apo jo konflikte me persona të tjerë. Ne njiheshin prej pak kohesh dhe nuk jam në dijeni te konflikteve apo mosmarrëveshjeve që mund të kishte” – ka thënë shoferi para hetuesve.
Ajo që ndodhi më pas është e njohur. Autorët e braktisën makinën në afërsi të Sukthit ku i vunë flakën bashkë me armën kallashnikov që përdorën në krim. Makina e tyre “Benz” i zi ishte me targa të vjedhura në Tiranë.
[video width="848" height="480" mp4="https://cdnimpuls.com/lapsi.al/wp-content/uploads/2021/03/WhatsApp-Video-2021-03-20-at-10.22.02.mp4"][/video]
Hetimet
Pista kryesore e hetimeve është e kaluara e 43-vjeçarit. Rreth 15 persona janë shoqëruar në komisariatin e Durrësit dhe janë pyetur nëse kishin dijeni për ngjarjen dhe më pas janë lënë të lirë. Mes tyre janë të afërm, rreth shoqëror dhe familjarë.
“Mond Çekiçi” ishte shoku i ngushtë i Edmir Bregut, nga Kukësi, i cili gjithashtu është ekzekutuar dy muaj më parë, më 24 janar të këtij viti, me breshëri kallashnikovi. Edhe miku i tij i ngushtë kishte dy emra, pasi njihej edhe si Ilir Kuçi, ai po udhëtonte me makinën "Porsche Cayene" kur u ekzekutua dhe është vrarë afërsisht në të njëjtin vend ku u vra sot Mond Çekiçi.
[video width="848" height="480" mp4="https://cdnimpuls.com/lapsi.al/wp-content/uploads/2021/03/WhatsApp-Video-2021-03-20-at-09.36.01-1.mp4"][/video]
Dyshohet se vrasjet janë të lidhura me njëra tjetrën dhe vijnë si pasojë e pazareve të prishura mes grupeve kriminale në Durrës. Edhe këtë herë, policia ngriti pika kontrolli në të gjitha akset rrugore në hyrje e në dalje të Durrësit si dhe në drejtim të Tiranës e Kavajës, por pa asnjë rezultat.
Kush është viktima
Edmond Koçi konsiderohej nga policia e Durrësit si person me rrezikshmëri të lartë. Ai renditej si një anëtarët aktivë të ish-bandës së Durrësit të Lulzim Berishës. 40-vjeçari është dënuar disa herë për akuzën e mbajtjes pa leje të armëve dhe kundërshtimit të forcave të policisë. Në maj 2009, ai u dënua me 2 vite burgim për akuzën e “Mbajtjes pa lejë të armëve”. ©LAPSI.al
LEXO EDHE:
Denoncimi i Berishës 3 vite më parë për Mond Çekiçin: Si e bëri gruan drejtoreshë në Durrës
