Kopertina e Marianne ku kete jave u botua artikulli i gazetarit Ian Hamel (artikulli foto lart)
Natyrisht ashtu sikurse është bërë tashmë e zakonshme artikulli fillon me trafikun e drogës dhe me lojën e socialistëve për të gositur lazaratin për ta përhapur më pas këtë drogë në të gjithë vendin për përfitimet e tyre. Por ai bazohet tek roli neo-ottoman i Erdoganit mbi Shqipërinë. Ai thekson se kapitalet turke po investohen në ekonominë lokale dhe përmend bankën BKT, Eagle mobil dhe Albtelekom si dhe miniera, shkolla, spitale hidocentrale e natyrisht, Air Albania.
Analiza/ Ku po e çon vendin lidhja okulte Rama- Erdogan?
"Ky neo ottomanizëm ekonomik shoqërohet nga një diplomaci aktive fetare" shkruan Marianne e cila përmend ndërtimin e xhamisë më të madhe në Ballkan që po ndërtohet në qendër të Tiranës me 4 minare dhe që kushton 40 milionë euro të financuara nga vëllai i madh turk. Artikulli nuk harron të kujtojë se Erdogan që hiqet si "protektori i komuniteteve turke në Ballkan vuri gurin e parë të kësaj ndërtese, që do të nxërë 5 mijë besimtarë, gjatë inagurimit të saj në 2015 në Tiranë". Sipas revistës kjo është pjesë e një strategjie pjesë e së cilës janë fondacione bamirëse dhe shkolla fetare që janë shumë pranë AKP (partisë në pushtet në Ankara).“Në rast se do të përmbyset bota…”/ Rama: Fola me Erdoganin, kemi ndihmën e garantuar
"Përballë gjithë kësaj bujarie, kryeministri Edi Rama, i lindur në një familje katolike, nuk e ka vrarë shumë mendjen për të ekstraduar antarët e lëvizjes fetare të Gylenit që kur ky i fundit u bë armiku i presidentit turk" shkruan e përjavshmja franceze. Revista që përmend rastin e Saimir Tahirit dhe të kryebashkiakëve të kriminalizuar mbështet tezën e pallateve që qëndrojnë bosh sepse janë ngritur për të pastruar paratë e drogës. Por e një ton ironik ajo e mbyll artikullin me historinë e tërmetit për të cilin u premtuan shumë ndihma nga jashtë, por vetëm ato turke kanë mbërritur. Permblodhi nga Marianne/©Lapsi.al
