“Tryezë tre palëshe për zgjedhoren”, PD i përgjigjet Ramës
Që kur u detyrua të lëshojë shumë në 5 qershor si pasojë e presionit të europianëve, Rama po bën të gjitha akrobacitë për të ndryshuar atë që u arrit. Ai jo vetëm takoi dy herë ata që i quan si të zgjedhuit e Bashës dhe Kryemadhit në parlament por këtë të enjte me gojën e Taulant Ballës deklaroi aty se PS është e gatshme për hapjen e listave, heqjen e koalicioneve dhe vendosjen e një pragu 5% për futjen në kuvend.
Teatri i opozitareve fallco qe bejne sikur largohen te zemeruar nga kuvendi
Natyrisht gjithkush e kupton se këto nuk janë kërkesat e një bande mercenarësh që në vijimsi kanë votuar si ka dashur qeveria edhe në pika tejet të kontestueshme (lexo linkun poshte). Por kryeministri tashmë duket i vendosur për një marëveshje me opozitën fallco.
Andi Bushati: Si ka votuar opozita fallco ne favor te Ramës(shifrat)
Nga ana tjetër PD ka kërcënuar se ajo, ndonëse nuk është kundër hapjes së listave nuk mund të pranojë që kjo të bëhet me shpejtësi dhe nga një parlament i kriminalizuar. Ajo ka këmbëngulur për ndryshime kushtetuese me referendum.
Në të kundërt opozita reale ka njoftuar se mund të tërhiqet nga marrëveshja. Por PD nuk ka shkuar më tej për të sqaruar se ç’do të thotë ky bojkot i ri?
Çfarë efektesh ka një tërheqje ndonëse ajo mund të jetë e provokuar prej Ramës?
Socialistët i kanë edhe votat edhe dëshirën për të shkuar përpara siç duan vetë. Dhe në këtë pikë nëse sprapset nga firma për paktin e 5 qershorit, nëse ato që u arritën nuk pasqyrohen në kodin e ri, hapi tjetër është mofutja në zgjedhje me kushtet që vendos njëra palë?
Po a është e përgatitur PD e LSI, për këtë? Askush nuk mund të vërë bast.
Prandaj, kërcënimi me tërheqje nga marëveshja për reformën duket më shumë si një kambanë që tringëllin për ndërkombëtarët garantë të saj, sesa si një lëvizje e planifikuar e opozitës.
©Lapsi.al
