Refuzimi i dy javëve më parë nuk është më kaq bindës dhe shkëmbimi mes Juventus e Barcellona që ka protagonistë Pjanic e Arthur kthehet në modë. Ajo që e ka rikthyer në lojë në fakt është hapja që ka bërë braziliani në lidhje me transferimin në Torino për tu vënë në dispozicion të Maurizio Sarri. Sinjale në këtë drejtim - shkruajnë sot në Spanjë - kanë ardhur nga stafi i lojtarit blaugrana, falë insistimit të Juventus e presionit të Barcelonës, që nga ana e saj nuk ka hequr dorë anjëherë nga Pjanic, nxitur edhe nga pëlqimi i boshnjakut.
Klubi katalanas nuk e konsideron Arthur një "të paprekshëm": përkundrazi, pavarësisht moshës së re 23 vjecare, është gati ta zëvendësojë me ekspertin Pjanic, me besimin se boshnjaku ka karakteristikat e duhura (teknike e karakteriale) për të marrë drejtimin e mesfushës së tyre. Ekzaktësisht si në anën tjetër, ku Sarri po insiston (edhe për shkak të vështirësive për të arritur tek Jorginho, i përzgjedhuri i teknikut bardhezi) për brazilianin.
