Intervista e Gian Piero Gasperini, trajnerit të Atalantës, që ka shpjeguar se ishte i infektuar me simptoma të koronavirus që në vigjilje të ndeshjes së 1/8 të finales së kthimit të Champions League në Valencia, ka provokuar reagimin e klubit spanjoll, që ka dalë menjëherë në konferencë për shtyp për të shprehur "çudinë" e tyre.
"Duke parë deklaratat e teknikut të Atalantës Gian Piero Gasperini - shkruan komunikata e shfaqur në faqen e klubit - dhënë për shtypin italian të dielën, Valencia CF dëshiron të shpresë publikisht befasinë e saj për faktin që trajneri i skuadrës rivalev në 1/8 e finaleve të Uefa Champions League pranon se ditën para ndeshjes së luajtur në 10 mars në Mestalla ishte në dijeni, të paktën për veten, se kishte simptoma që përputhen me Koronavirus e nuk kishte ndërmarrë masa parandaluese, duke vënë në rrezik shumë persona gjatë udhëtimit të tyre e qendrimit në Valencia".
"Duhet kujtuar - shkruan akoma klubi spanjoll - se kjo ndeshje u luajt me dyer të mbyllura, e mbrojtur nga masa rigoroze, për shkak të rregullave të vendosura nga autoritetet sanitare spanjolle për të evituar rezikun e infektimit me Covid-19, pikërisht në prezencë të personave që vinin nga një zonë që në atë datë ishte vlerësuar publikisht me rrezik".
