Pritej vetëm një përgjigje dhe ajo erdhi. Tani është zyrtare, në datën 3 qershor skuadrat do të zbresin në fushë për ta rinisur kampionatin. Konfimimin e ka dhënë ministrja e Shëndetësisë dhe Mbrojtjes Sociale Ogerta Manastirliu, gjatë një komunikimi me publikun ka bërë të ditur të gjitha aktivitet që do të lejohen prej 1 Qershorit duke zbatuar në mënyrë strikte masat dhe protokollet e sigurisë: "Do të lejohen nga data 1 Qershor kampionatet sportive, pa praninë e publikut. Do të hapen parqet, qendrat e formimit arsimor, kulturor, qendrat e internetit si dhe palestrat sipas protokolleve të sigurisë".
Ishte fjala e duhur për ti dhënë një përgjigje zyrtare kërkesës së bërë nga Federata Shqiptare e Futbollit për të rikthyer futbollin, në datën e përzgjedhur në 3 qershor. Gjërat tashmë thjeshtohen sepse edhe kalendari i bërë gati nga Federata për rifillimin, e që kishte si datë starti pikërisht mesjavën e parë të muajit të ardhshëm, mbetet në fuqi.
Sipas asaj që kishte planifikuar FSHF, do të ketë ndeshje cdo tre ditë, me startin të mërkurën e 3 qershorit, për ta mbyllur në 29 korrik 10 javët e mbetura të Superiores dhe Kupën e Shqipërisë (cerekfinalet, gjysëmfinalet e finalen). U vendos gjithashtu që finalja e Kupes së Shqipërisë të zhvillohet në datën 2 gusht. Problem do të jetë starti asfiksues me katër ndeshje në 10 ditë mes Kupës e kampionatit. Duke patur parasysh që lojtarët duhet të rigjejnë formën pas dy muajsh inaktivitet, kjo periudhë është edhe më e rrezikshmja për lojtarët që mund të pësojnë dëmtime.
Ndeshjet e javës 27
DATA NDESHJA
03-06-2020 17:30 FK Kukesi - KS Luftëtari
03-06-2020 17:30 KF Laçi - KF Teuta
03-06-2020 17:30 KF Bylis - KF Tirana
03-06-2020 17:30 Flamurtari FC - KF Vllaznia
03-06-2020 20:00 KF Partizani - KF Skenderbeu
https://www.facebook.com/FKKukesiAlbania/posts/2200281603450508:0
