Nëse edhe ti je tunduar dhe i ke shkruar ish-it gjatë periudhës së karantinës, nuk je vetëm!
“Është një përgjigje krejt njerëzore të duash gjërat që ne nuk kemi”, shpjegon Kate Moyle, terapiste e marrëdhënieve. “Gjatë izolimit, kjo ka më shumë të ngjarë të ndodhë sepse mund të ndjehemi të vetmuar, veçanërisht nëse jemi beqarë ose jetojmë vetëm, dhe nëse fillojmë të përqendrohemi në marrëdhëniet e kaluara, mund të fillojmë të humbasim pjesët e mira ose të bindim veten se të kesh dikë, është më mirë sesa të mos kesh askënd”. Këto lloj ndjenjash gjithashtu mund t’ju bëjnë të harroni marrëdhëniet toksike. E vetmja rrugë është të kujtoni të gjitha arsyet pse ti dhe ish-i yt nuk ia dolët dhe i dhatë fund lidhjes.
Por natyrisht, e thëna me të bërën është shumë larg!
“Shumë njerëz beqarë gjithashtu mund të ndjehen të nervozuar nga takimi virtual ose në internet, kështu që kthimi te dikush i njohur mund të duket më joshës, edhe nëse marrëdhënia nuk funksiononte”.
Ky problem nuk lidhet vetëm me njerëzit që janë single. Dr Elle Boag, psikologe sociale në Universitetin e Birmingham, shpjegon se të qenit i izoluar me një partner me të cilin nuk jetoni, mund të sjellë në dritë zhgënjime dhe ankthe të shumta në lidhje me marrëdhëniet që ju bëjnë të mendoni për ish-in.
“Të kalosh kaq shumë kohë së bashku mund të të bëjë që të shqyrtosh detajet e bezdisshme të partnerit dhe t’i krahasosh ato me partnerët e kaluar që mund të mos kishin pasur tipare të tilla”, thotë ajo.
“Por edhe kjo nxitet nga një idealizim i rremë i marrëdhënieve tuaja të mëparshme, tipare edhe më të bezdisshme të të cilëve mund t’i keni harruar.
“Ekziston një arsye që nuk jeni akoma bashkë”, shton Dr Boag.
Ndoshta duhet të mendoni për këtë!
The Independent/ iconstyle
