Keqtrajtimin e sotëm të protestuesve tek Teatri Kombëtar nga policia e ka parë e gjithë Shqipëria përpos kreut të qeverisë së saj. Edi Rama e ka mohuar përdorimin e shpërproporcionuar të forcës nga uniformat blu gjatë një bisede me ndjekësite tij në rrjetet sociale. "Cila dhune policore apo e ke me te degjuar nga televizori? Eh mor mik, s’ke faj, po do rrosh me gjate e do me kujtosh per
perfaqesimin e mosperfaqesimin" i ka thënë ai një qytetari me emrin Tosi i cili i kishte shkruar: "ju keni deshtuar ne te berit shtet, dhe kjo u tregua sot nga dhuna policore".
Meqë Edi Rama nuk di gjë për dhunë Lapsi.al i ka renditur disa foto dhe dëshmi nga masakra e kryer nga policia e Leshit të tij.
Ky këtu poshtë është Bledi Shahu student i akademisë së Arteve. Meqë kryeministri nuk ka parë dhe nuk ka dëgjuar gjë i ati i tij, Rexhep Shahu ja ka bërë me dije. “Edi Rama! Im bir Blendi Shahu qe sheh ne foto nuk eshte terrorist. Eshte student i Akademise se Arteve. Ata qe i bejne keq atij behen qyqe…”
Kjo është një tjetër foto dhune makabre që po shpërndahet me shpejtësi të llahtarshme në rrjet. Ajo po bën këtë efekt pasi banditi i veshur me uniformë po qëllon me shkelm mbi një protestues të pa rrezikshëm të shtrirë përtokë. Shumëkush në Facebook po kërkon arrestimin e menjëhershëm të policit të maskuar që pritet të denoncohet nga kolegët e tij.
Gazetari Alfred Lela u tërhoq zvarrë dhe u ndalua nga policia dhe të njëjtin fat përdoi edhe kameramani që po e filmonte këtë skenë të llahtarshme. “Jam goditur disa herë me shkelma nga afër në trup dhe në kokë ndërkohë që ma vendosën fytyrën mbi asfalt. Ky qëndrim zgjati shumë, sepse nuk po gjenin dot pranga, kishin mbaruar prangat dhe po kërkonin pranga përmes radiove të njëri tjetrit” – tregoi më pas Lela për Zëri i Amerikës.
Policia jo vetëm ishte nisur për dhunë, por duket ditur krimin që do te bënin ata u kujdesën të hiqnin dhe numrat nga uniformat (siç duket poshtë) per te mos mbajtur përgjegjësi.
Këto janë ato që duken në pamje, por ndërkohë shumë aktorë si Edmond Budina kanë dëshmuar se fadromat filluan shembjen e godinës kur ajo kishte ende njerëz brenda duke rrezikuar seriozisht jetën e tyre. Për këtë akt Aleanca për Mbrojtjen e teatrit do ti drejtohet SPAK me një padi për vrasje.
E meqë Rama nuk ka parë gjë dhe qorrat që i bëjnë fresk e besojnë ja dhe disa imazhe të tjera.
©Lapsi.al
