Shembet Teatri Kombëtar. Pamjet e trishta nga qendra e Tiranës po bëjnë xhiron e mediave duke shokuar opinionin publik mbi mënyrën tinëzare se si teatri 81-vjeçar i kryeqytetit u shemb në të gdhirë.
[video width="480" height="360" mp4="https://cdnimpuls.com/lapsi.al/wp-content/uploads/2020/05/videoplayback.mp4"][/video]
Ngjarja e ndodhur në orët e para të 17 majit, ku aktorët në vend që të dremisnin pas shfaqjes së dhënë, shoqëroheshin me dhunë të paprecedentë në komisariat, duket e denjë për një skenar biografie autokrati.
Siç ishte paralajmëruar nga aktorët që mbronin prej më shumë se një viti Teatrin Kombëtar, në mbrëmje policia do të ndërhynte. Fiksimi i verbër i qeverisë Rama për të shembur këtë godine u materializua në mëngjes.
Sic duket nga pamjet e publikuara nga Aleanca për Mbrojtjen e Teatrit, shembja ka nisur të kryhet nga pjesa ballore e Teatrit Eksperimental, ndërsa më pas është shembur edhe godina e Teatrit Kombëtar.
[video width="640" height="368" mp4="https://cdnimpuls.com/lapsi.al/wp-content/uploads/2020/05/WhatsApp-Video-2020-05-17-at-9.38.14-AM.mp4"][/video]
Aksioni të Inspektoriatit të Territorit nisi rreth orës 04:30 të mëngjesit të së dielës. Forca të shumta policie kanë shfrytëzuar këtë moment për të rrethuar zonën, duke kryer njëkohësisht edhe shoqërimin e disa aktivistëve dhe aktorëve. Rreth 26 persona janë shoqëruar nga policia në komisariatin nr. 1 në Tiranë për shkak të rezistencës kundër shembjes së Teatrit Kombëtar. Midis të shoqëruarve ishte edhe aktori Neritan Liçaj si dhe kryetarja e LSI-së, Monika Kryemadhi, e cila u la e lirë më vonë. Për një pjesë prej tyre pritet të vendoset nëse do të arrestohen apo jo. ©Lapsi.al
[video width="864" height="480" mp4="https://cdnimpuls.com/lapsi.al/wp-content/uploads/2020/05/WhatsApp-Video-2020-05-17-at-9.38.15-AM.mp4"][/video]
