Bundesliga rikthehet në fushë, pa publik, por me spektakël. Në Signal Iduna Park, në ndeshjen më të rëndësishme të javës së 26 të kampionatit gjerman shënohet edhe rezultati më i thellë, ndërsa goli i parë pas ndalesës është i norvegjezit Haaland. Fitore në transfertë për Hertha Berlin e Wolfsburg, ndërsa Paderborn i Gjasulës merr pikë në fushën e Dusseldorf.
Rikthehet futbolli në Gjermani e Bundesliga zbulon një Borussia Dortmund në formë shumë të mirë me protagonist, të zakonshmin, Erling Haaland. Verdhezinjtë shkatërrojnë Schalke 04, të mundur 4-0 në një derbi të luajtur me dyer të mbyllura, që u zhbllokua nga goli i 10 në 9 ndeshje i fenomenit norvegjez (29'). E bënë më solide fitoren Thorgan Hazard (48') e Raphael Guerreiro me një dygolësh (45' e 63'). Dortmund është tashmë -1 nga Bayern kryesues, që duhet ende të luajë.
GERMANY - BUNDESLIGA
Augsburg 1 - 2 Wolfsburg
Borussia Dortmund 4 - 0 Schalke 04
Fortuna Düsseldorf 0 - 0 SC Paderborn 07
Hoffenheim 0 - 3 Hertha BSC
RasenBallsport Leipzig 1 - 1 Freiburg
