Në fillim u duk si një shaka, por vërtet Parlamenti miratoi sot me 82 vota ligjin që përjashton nga Tatimi mbi Vlerën e Shtuar milionerët shqiptarë që do të shpenzojnë para për të blerë jahte.
Kur ky lajm u denoncua në media pak ditë më patë nga ish deputetja demokrate Jorida Tabaku, gjithkush e mori si një gafë. Si një projektligj të futur gabimisht dhe të përgatitur që nga koha e 'artë" kur Rama shpërndante dhurata për oligarkët. Hipoteza se ishte një gabim përforcohej edhe nga vetë deklaratat e kryeministrit i cili në Open tek Eni Vasili, përdori një zhargon që do ta kishin zili edhe radikalët më ekstremë të së majtës: “Shisni jahtet dhe vilat dhe paguani puntorët” iu drejtua ai me një gjuhë të ashpër biznesmenëve më të mëdhenj të vendit.
[video width="320" height="174" mp4="https://cdnimpuls.com/lapsi.al/wp-content/uploads/2020/04/bandicam-2020-04-10-09-57-29-914-1.mp4"][/video]
[video width="320" height="174" mp4="https://cdnimpuls.com/lapsi.al/wp-content/uploads/2020/04/bandicam-2020-04-10-09-52-07-215-1.mp4"][/video]
Ndërsa sot gjithçka u bë realitet. Parlamenti edhe me zellin e tepruar te opozites se re miratoi propozimin e Ramës për heqjen e TVSH për jahtet, ndërkohë që ajo nuk është pranuar të hiqet për bizneset në vështirësi. Deputetja Tabaku që e denoncoi e para këtë "shaka": tha: "Në një kohë kur bizneset ndjejnë shtrëngimin e darës së krizës qeveria vazhdon të mendojë për të njëjtët njerëz. I vendosur në drejtimin dhe frymëzuar nga klubi i ortakëve Oligarkë me të cilët ndan çdo pasuri publike dhe private, Rama do ta kalojë këtë projektligj në atë që quhet parlament por që është një noter.
https://lapsi.al/2020/04/10/analiza-rama-kthen-pllaken-me-te-pasurit-shisni-vilat-dhe-jahtet-paguani-punetoret/?preview_id=507432&preview_nonce=615954d0ed&post_format=standard&_thumbnail_id=507437&preview=true
