Qeveria angleze është shprehur qartë, futbolli profesionist mund të rifillojë nga fillimi i qershorit e data më e mundshme për javën e parë të Premier post-lockdoën është përcaktuar 12 e atij muaji. Vetëm se nuk është kaq e thjeshtë. E jo vetëm sepse janë tetë klube kundër. Tani përfshihen edhe lojtarët. Sipas asaj që ka zbuluar "Daily Mail" disa nga futbollistët më prestigjozë kanë lajmëruar klubet e tyre se nuk duan të fillojnë stërvitjet.
Rifillimi i stërvitjeve, në Angli, është fiksuar për të hënën në 18 maj, me masat e sigurisë që tashmë dihen mirë: punë në grupe të vogla në distancë. Një zgjidhje që sidoqoftë nuk i ka pëlqyer shumë lojtarëve që kanë shprehur qartë, si në publik ashtu edhe tek drejtuesit e tyre, të gjithë shqetësimet për të rifilluar aktivitetin fizik përpara se situata e Covid-19 të normalizohet.
Nuk mjafton, sepse kësaj i shtohet edhe refuzimi i fortë i lojtarëve për një tjetër vendim, atë për të mos futur në karantinë gjithë skuadrën, por vetëm lojtarin e përfshirë, në rast pozitivitteti. Një masë që konsiderohet shumë e rrezikshme e po zgjeron në mënyrë evidente frontin kundërshtar të rifillimit të kampionatit mes yjeve të Premier.
