Juventus-Lyon në 7 gusht, por ndoshta jo. Uefa ka ndërhyrë me forcë për të mohuar deklaratat e para mbi datën e ndeshjes së kthimit të 1/8 të finales së Champions League për tu luajtur në Torino, coi me bardhezinjtë që duhet të përmbysin 0-1 e 90 minutave të para në Francë. "Asgjë nuk është vendosur, asgjë prej gjëje", ka thënë një zëdhënës i Uefa pas kërkesës për konfirmimin e datave të Champions League. 7 gushti megjithatë është data që del e lirë nëse programet e ndryshme për të rifilluar kampionatin ecin me sukses.
Njoftimin në fakt e bëri Aulas, presidenti i Lyon, por në kundërshtim me zyrtarizimin e kreut të klubit francez, Uefa bën të ditur se bëhet fjalë vetëm për një hipotezë, pavarësisht se është rrjedhojë e llogarive mbi rinisjet e kampionateve që për momentin duken ende larg. Kështu, qendrimi zyrtar i UEFA-s deklaruar përmes zëdhënësit të saj është se "asgjë nuk është vendosur akoma".
EDHE LYON SQARON: KOMUNIKATA
"Olympique Lyonnais po pret me padurim finalen e Coupe de la Ligue, me shumë mundësi në fillim të gushtit, që do ti lejojë, ndryshe nga skuadrat e tjera, të përgatisë këtë pjesë esenciale të sezonit. Lyon ndjen keqardhjen se do ti duhet të përballet me një përgatitje ndryshe nga ajo e konkurentëve të tij europianë, që kanë nisur tashmë stërvitjet".
