Një Ferguson tek Lazio. Natyrisht nuk bëhet fjalë për Sir Alex, legjendën e Manchester United, por për Simone Inzaghi, që Claudio Lotito shpreson ta bëjë modelin e skocezit në kryeqytet. Në ditët e fundit ka patur një përshpejtim në tratativën për rinovimin e kontratës, aktualisht në skadencë në 2021: Lotito është i gatshëm ti ofrojë një zgjatje të kontratës deri në 2025, me objektivin për ta bërë atë një Ferguson bardhekaltër.
Tekniku i ka impresionuar të gjithë me sezonin e bërë me Lazion e këtu natyrisht bëjnë pjesë edhe drejtuesit e lartë bardhekaltër, presidenti Claudio Lotito e drejtori sportive Igli Tare. Kështu, është e pashmangshme që bashkëpunimi entuziast mes palëve të jetë i destinuar të vazhdojë ende për shumë kohë. Për Inzaghi, natyrisht, do të ketë një përmirësim të ndjeshëm edhe në pagesë, që do të kalojë nga 2 në 3 milionë euro sezonalë plus bonus. Kontaktet janë të shpeshtë, sidomos tani që kampionati është ndaluar dhe impenjimet janë të pakta.
Nëse firma do të mbërrijë së shpejti, Inzaghi mund të përqendrohet në luftën titull (gjithnjë nëse Serie A rifillon) e në një rekord të rëndësishëm: i mjaftojnë 12 ndeshje në pankinën bardhekaltër për të kaluar Lorenzo e Zoff e të bëhet trajneri me më shumë prezenca në historinë e klubit. Vullneti është i njëjtë për të dy palët edhe pse, për një seri arsyesh, është e mundshme që kur të hidhet firma mbi kontratë, rinovimi të mos shkojë përtej 2023.
