Gonzalo Higuain mes të tashmes e të ardhmes. Pipita, që ndodhet në Argjentinë me lejen e Juventus prej më shumë se një muaji për të qendruar pranë të ëmës së sëmurë, ka mbajtur një leksion online për lojtarët e rinj të River Plate nga 12 në 21 vjec, në të cilin i është përgjigjur pyetjeve personale, por sidomos atyre me natyre taktike. Një rast për të rilidhur raportet me klubin ku është rritur, pikërisht në ditët kur flitet shumë për një rikthim të Higuain tek River Plate në 2020, edhe pse i ati ka deklaruar se nuk do të ndodhë përpara skadencës natyrale të kontratës me bardhezinjtë.
Sipas asaj që bën të ditur Olé, Pipita gjatë 1 ore e gjysmë bisedë ka dhënë këshilla të ndryshme kolegëve, që shpresojnë të arrijnë në nivele të larta si ka bërë bashkëkombasi i tyre, por nuk kanë munguar edhe episodet pikante të karrierës së Gonzalos. Sulmuesi i ka këshilluar djemtë të “mos mbeten vetëm në një rol, por ti krijojnë më shumë mundësi vetes”, duke nënvizuar edhe rëndësinë e vlerave si sakrifica e përulësia. Pipita ëshë përgjigjur më pas pyetjeve kurioze të të rinjve, duke folur për emocionet speciale të provuara në dygolëshin e shënuar ndaj Boca Juniors në 2006 ose vështirësitë që ka patur në karrierë për ti bërë gol një portieri si Buffon.
