Dicka më tepër se një muaj nga arrestimi për faktin se u fut në Paraguay me një pasaportë falso, Ronaldinho flet për herë të parë me shtypin nga burgu i tij luksoz në hotel Palmaroga të Asuncion, ku po kalon arrestin e shtëpisë, që nga 7 prilli i kaluar bashkë me të vëllain, e rrëfen gjithë eksperiencën e tij me ligjin e ditët e burgut: "Kam besim, lutem gjithnjë që gjërat të shkojnë mirë e shpresoj që kjo të mbarojë shpejt".
Për sa i përket arrestimit, ish-Topi i Artë ka deklaruar se nuk e kishte idenë që pasaportat ishin false: "Mbetëm krejtësisht të cuditur kur zbuluam se dokumentat ishin të paligjshëm. Nga ai moment qëllimi ynë ishte të bashkëpunonim me gjykatat për tu sqaruar".
"Të mësoja se do shkoja në burg më goditi rëndë – shtoi Dinho, duke folur me tre gazetarët e të përditshmes paraguajane ABC Color - Nuk do e kasha imagjinuar të gjendesha në një situatë si kjo. Për gjithë jetën jam përpjekur të arrij nivelin më të lartë profesionist e ti bëj njerëzit të lumtur me futbollin tim". Një pasion e dëshirë që e tregoi edhe në burg me të burgosurit e tjerë: “Të luash futboll, të firmosësh autografë e të bëj foto është pjesë e jetës sime. Nuk kam arsye të reshtja edhe aty, sidomos me persona që po kalojnë një moment të vështirë si unë”.
Në fund një vështrim për të ardhmen: “Gjëja e parë që do bëj sapo kjo situatë të përfundojë do të jetë të puth mamanë time Miguelina”, ka thënë braziliani.
