Historia e dashurisë mes Gonzalo Higuain dhe Juventus duket se është e destinuar të zgjasë një kohë të gjatë, të paktën një vit e gjysmë duke gjykuar nga fjalët e babait të Pipita: "E gjithë kjo që thuhet nuk është e vërtetë - u tha ai mikrofonave të"LM Nequen"- Unë mund t'ju them një gjë: Gonzalo do të qëndrojë te Juve, sepse ai ende ka një vit e gjysmë kontratë dhe do ta respektojë atë. Do ta përfundojë ciklin e tij te Juve të parashikuar nga kontrata aktuale".
Ditët e fundit, falë vendimit të sulmuesit për të qëndruar në Argjentinë, ku ai ka qenë që nga 19 mars pranë nënës së tij, zërat për të ardhmen e lojtarit janë shtuar dhe madje është folur për një përfundim hipotetik të kontratës nëse Pipita zgjat qëndrimin në shtëpi, por ky është një skenar që babai i argjentinasit, Jorge, e ka mohuar kategorikisht: "Gonzalo do të mbetet te Juventus. Pas kësaj periudhe, ai do të marrë vendimin që e gjykon më të përshtatshëm, sepse ai do të kthehet pronari i kartonit. Ky është realiteti dhe ajo që do të ndodhë, përveç ngjarjeve të tjera të paparashikuara. Por në parim nuk është qëllimi i tij të largohet nga ai klub që ai e do shumë, njerëzit gjithashtu e duan atë".
