Imazhe të reja, surreale, vijnë nga sporti në Nikaragua gjatë pandemisë së Covid-19. Në mbrëmjen mes të shtunës e të dielës është zhvilluar, në vendin ku ende luhet kampionati i futbollit, një event boksi me ndeshje të ndryshme, në të cilat nuk kanë munguar masat parandaluese të infektimit: spektatorët janë pranuar në arenë vetëm pas një kontrolli të temperaturës e janë ulur në distancë, ringu e deri edhe boksierët vetë janë "disinfektuar" me spray higjenizues, duke mbajtur maskën në fytyrë deri në castin e fillimit të ndeshjes.
