Bayern Mynih ka shitur më shumë se 100.000 maska të shenjuara me ngjyrat e tyre e logon e klubit në harkun e vetëm 24 orëve, sipas asaj që bën të ditur shoqëria bavareze në faqen e tij zyrtare. Një sukses i pabesueshëm e për shumë arsye i papritur që befasuar edhe vëtë klubin: Bayern, në fakt, ka kërkuar nga tifozët pak "mirëkuptim" duke qenë se për shkak të numrit shumë të lartë të kërkesave, kohët e pritjeve mund të jenë relativisht të gjata.
Të ardhurat nga shitjet e maskave do të shkojnë për një platformë dhurimi të krijuar nga lojtarët Joshua Kimmich e Leon Goretzka nga e cila do të mbështeten institucionet e bamirësisë e ato sociale që janë përfshirë në luftën kundër koronavirus. Duke nisur nga e djela do të jetë e detyrueshme në Bavari të mbahet një maskë mbrojtëse në transportin publik e në dyqane.
"Me këtë veprim duam të tregojmë se FC Bayern bën gjithcka për të qenë një model i disiplinës në luftën kundër koronavirus, pas apelit mbi këtë cështje nga Kryeministri bavarez Markus Söder", ka deklaruar presidenti i Këshillit të Administrimit të klubit, Karlheinz Rummenigge.
"Në të njëjtën kohë, jemi krenar që mund të japim një kontribut për inisiativën e Joshua Kimmich e Leon Goretzka", ka shtuar ai. Masakt ishin realizuar me shallet që Bayern kishte planifikuar të shpërndante në Allianz Arena në ndeshjen e kthimit të Champions League kundër Chelsea në rastin e 120 ° vjetorit të themelimit të klubit. Masakt për fëmijët kushtojnë 5,95 euro e ato për të rriturit 6,95.
