Të gjithë duan ta imitojnë mënyrën e tij të festimit. Cristiano Ronaldo dhe e famshmja tashmë "siuu" është bërë dëshirë për ta imitiuar jo vetëm e tifozëve, por edhe shumë futbollistëve në fushën e lojës. Natyrisht e gjitha lidhet me impaktin e imazhit të portugezit, të ndërtuar me performanca të jashtëzkonshme, gola e trofe të panumërt, por kur duan ta imitojnë ata që e adhurojnë nga larg, a mundet të mos e bëjë i biri?
E sulmuesi i Juventus i jep përgjigje kësaj pyetje, me një video të postuar në profilin e tij në Instagram, ku duket si luan me të birin Mateo. Por është dedidkimi poshtë, që nuk lë asnjë dyshim: "Si i ati, ashtu dhe i biri", duke iu referuar festimit të tij klasik të imituar nga vogëlushi.
