Idea është ajo për tu kthyer në fushë në qershor. Në 3 apo në 17, sipas zhvillimit të epidemisë, që në Francë deri tani i ka marrë jetën 15729 personave. Këtu nisin edhe paqartësitë e rifillimit të Ligue 1 që do të bëhet sidoqoftë vetëm me dyer të mbyllura e vetëm pas aprovimit të marrë nga Ministria e Sportit, që ka përgatitur një plan të përgjithshëm për ta prezantuar brenda fundit të muajit tek dikasteri i Shëndetësisë e kreut të Qeverisë. Ndërkohë, Psg bëhet gati të kthejë në Paris Neymar, Silva, Cavani e Navas, që aktualisht janë në Amerikën e Jugut.
Rikthime që, pavarësisht mbylljeve të kufijve me vendet jo të BE-së, nuk duhet të sjellin probleme, duke qenë se sipas autoriteteve mjafton tashmë të tregojnë se lojtarët janë rezidentë në Francë ose kanë dokumenta të vlefshme. Do të duhen pastaj fluturime private, si ai që Navas e pagoi 180 mijë euro për të shkuar në Costa Rica me familjen. Tani duhet pritur për të mësuar nëse do ti nënshtrohen periudhës 14 ditore të karantinës, që mund ti komplikojë rifillimin e stërvitjeve me pjesën tjetër të grupit.
Në Francë punojnë për datën e rifillimit, për të mbyllur sezonin brenda 25 korrikut e për të filluar tjetrin në 23 gusht. Por ka pikëpyetje mbi modalitetet teknike për të garantuar sigurinë shëndetësore lojtarëve, stafit e personelit. Me teste të shumta, si kujton sot e përditshmja Le Parisien duke cituar burime federale, por edhe grumbullime për të evituar infektimet e jashtme, e në fund ndeshje me dyer të mbyllura. Megjithatë, kjo kërkon impenjimin e dhjetëra personave për të administruar impiantet, transmetimet televizive, e madje edhe sigurinë, duke qenë se parashikohet përdorimi i policisë për të evituar grumbullimet e tifozëve përreth stadiumeve. Edhe pse shoqata kombëtare e ultràsve, që administron rreth 14 grupime në Francë, ka bërë të ditur se është kundër rifillimit pa qenë kushtet shëndetësore të pranueshme.
