Kombëtarja portugeze zbret në fushë për të ndihmuar futbollin diletant. Ashtu si bën të ditur një komunikatë për shtyp e federatës së futbollit të Portugalisë, Cristiano Ronaldo e të tjerët - por edhe stafi teknik e drejtuesit e federatës - kanë hequr dorë nga gjysma e bonusit të kualifikimit në Euro 2020 për të krijuar një fond në mbështetje të futbollit amator, i ndaluar për shkak të emergjencës koronavirus.
Shuma e mbledhur është e barabartë me 4,7 milionë euro, që do ti ndihmojë të gjithë lojtarët e trajnerët e këtij niveli të futbollit të paguhen deri në përfundim të sezonit 2019/20.
