Kur merkato e futbollit të rihapet, një nga telenovelat do të jetë e sigurtë ajo e Mauro Icardi tek Juventus. E ardhmja e sulmuesit argjentinas tek Psg është në dyshim pas huazimit që do të përfundojë në qershor dhe është e sigurtë se nuk do të shkojë tek Inter. Dëshira e Icardi është të veshë fanellën bardhezi, por tratativa nuk do të jetë e thjeshtë. Kampionët e Italisë po lëvizin në dy pista, atë për të bindur francezët nëse vendosin të suhtrojnë të drejtën e blerjes dhe atë me të vështirën, për të zbutur tonet me zikaltrit përmes pjesëve të shkëmbimit, një prej të cilëve mund të jetë Juan Cuadrado.
Pavarësisht mohimeve e zërave që vijnë nga Parisi, kontaktet mes njeriut të merkatos Fabio Paratici e Wanda Nara kanë vazhduar për gjithë sezonin e, pavarësisht se është e komplikuar, tratativa është gati për tu ndërtuar përsëri kur dritarja e merkatos të hapet.
Inter kërkon 70 milionë euro për tu ulur në tavolinë ose lojtarë të pëlqyer nga Conte si pjesë shkëmbimi. Mes tyre - sipas asaj që bën të ditur Calciomercato.com - është Juan Cuadrado, lojtari kolumbian në skadencë në 2022, vlerësohet 20 milionë euro.
