Shigjetë në fushë, shigjetë edhe në karantinë. Vetëm se këtë herë Douglas Costa nuk ka vënë në përdorim shpejtësinë e këmbëve, por të duarve. Si është zakon tashmë që sportistët, për të kaluar kohën e për të mbajtur lart shpirtin sportiv, hapin sfida mes njëri-tjetrit, edhe braziliani i Juventus ka bërë gjetjen e tij: shumë interesante dhe humoristike njëkohësisht.
Douglas Costa ka publikuar një video zbavitëse në rrjetet sociale, ku idea është ajo e drejtimit të një makine imagjinare, por duhet të prekësh kundërshtarët, të vendosur në dy anët e 'shoferit' përpara se ata ti godasin duart. E braziliani edhe këtu është një Flash...
