Kryeministri Edi Rama doli me disa tabela mesditën e së hënës për të treguar kurbën e përhapjes së koronavirusit në vendin tonë. Rama po mburrej se masat e marra nga qeveria e kanë frenuar përhapjen, por duke dhënë shifrat bëri edhe një lapsus.
Rama tha se “janë vetëm 51 viktima” kur në fakt deri në atë moment zyrtarisht numëroheshin 21 viktima. E qartë që bëhej fjalë për një lapsus, por vetë Rama e ka ngritur në politikë zyrtare të çdo reagimi që lidhet me opozitën lapsusin e Lulzim Bashës në parlament 7x7=72. ©LAPSI.al
