Gjithnjë e më shumë klube të Premier League bëjnë presion që kampionati të mos rifillojë më, duke parë atë që po ndodh në situatën e emergjencës koronavirus. Sipas revistës The Athletic, mbyllja para kohe e turneut do të thotë pamundësinë për ti dorëzuar Liverpool një titull të pritur prej 30 vjetësh, pavarësisht se Reds janë vetëm dy fitore nga siguria matematike. Për të kopsitur fundin e parakoshëm të sezonit, aktualisht i pezulluar deri në 30 prill, duhet të jenë të paktën 14 nga 20 klube të gatshëm të votojnë për këtë gjë.
Sipas të dhënave, pavarësisht se vetëm javën e shkuar shoqëritë e divizionit më të lartë anglez vendosën në unanimitet të përfundojnë sezonin, duke luajtur - nëse është e nevojshme - edhe në verë, një numër në shtim i drejtuesve duket se kanë ndryshuar mendim, me shumë mundësi të trembur nga kthesa që po merr pandemia në Mbretërinë e Bashkuar. Nuk është ende e qartë sa dhe kush janë klubet dakord me anullimin, por nëse është kështu do të ishte një zhgënjim i madh për skuadrën e Klopp që dominoi gjatë gjithë kampionatit.
