Eshtë i fortë pozicionimi i Massimo Ferrero mbi fatet e kampionatit të Serie A pas ndalesës së detyruar, të vendosur nga emergjenca koronavirus. "Cfarë Serie A do të kemi vitin e ardhshëm? E njëjta e këtij viti - ka shpjeguar pronari i Sampdoria për Radio Radio -. Për mua kampionati përfundon këtu. Vitin e ardhshëm mund të luajmë me 22 skuadra".
"Benevento që ka 69 pikë cfarë duhet të thotë? Nuk mund të qendrojë të shohë - vazhdoi presidenti i Sampdoria -. Titulli? E di që Lotito do të më urrejë, por kështu e ka jeta. Për mua përfundon këtu, me këto pozicionime. Ky është drejtimi që duhet të marrim. Le të bëjmë një hipotezë, na japin një muaj përgatitje nga 4 prilli, shkojmë në 4 maj: duhet të bëjmë 12 ndeshje - përfundoi Ferrero duke projektuar një kalendar të ri të Serie A -. Mbërrijmë në gusht. Cfarë ndodh me kampionatin pasardhës?".
