Edhe Brazili po bëhet gati të përballojë emergjencën koronavirus. Stadiumi Pacaembu i San Paolo, deri në 2014 shtëpia e Corinthians, do të shndërrohet në një spital fushe, që do të arrijë të mirëpresë deri në 200 pacientë të infektuar nga Covid-19. Kanë nisur që tani punimet për ndërtimin e strukturave në brendësi të impiantit, i zgjedhur nga autoritetet për pozicionin e tij strategjik: ndodhet në fakt pranë spitaleve kryesorë të metropolit, që me 12,1 milionë banorë është një nga më të populluarat në hemisferën jugore.
Spitali duhet të jetë gati në harkun e 10 ditëve, me qeverinë kombëtare që pret për në fund të prillit pikun e epidemisë. Pacaembu (zyrtarisht i njohur si Estadio Municipal Paulo Machado de Carvalho) ka 40.000 vende, është ndërtuar në 1940 e pas transferimit të Corinthians në impiantin Arena Corinthians ka vazhduar të mirëpresë ndeshje si të Kampionatit Paulist ashtu dhe të Brasilerao, kompeticione të ndaluara prej tashmë një jave.
