NBA bëhet gati ti shkurtojë pagat basketbollistëve, për shkak të pandemisë së Covid-19 që ka ndërprerë sezonin. Lajmin e ka bërë të ditur ESPN, sipas të cilit liga amerikane ka ndërmend të ushtrojë klauzolën e kontratës kolektive, që është marrë në miratim me shoqatën e lojtarëve ku, mes shkaqeve të forcave madhore që i lejojnë pronarëve të mbajnë rreth 1% për cdo ndeshje të anulluar, është edhe zëri specifik "epidemi/pandemi". Kampionati është i ndalur nga 11 marsi e janë tashmë 11 rastet e pozitivitetit me koronavirus, mes të cilëve edhe super ylli Kevin Durant.
Në NBA, pagat kalojnë përmes dy transaksioneve, një në 1 e tjetra në 15 të muajit. Sipas ESPN për momentin është garantuar pagesa e plotë e këstit të datës 1 prill, por mund të mos ndodhë kështu nga 15 e prapa. Në detaje, pronarët mund të mbajnë 1/92,6 të pagave të lojtarëve për cdo ndeshje të pa luajtur për shkak të forcave madhore (shifër e llogaritur në bazë të diskutimit të 5 ndeshjeve të presezonit, 82 të atij të rregullt e 5,6 në mesataren e playoff), kështu dicka më shumë se 1% e totalit vjetor.
