Koronavirus detyron futbollin të ndalojë në të gjithë kampionatet më të rëndësishme të Europës. Anglia, Gjermania e Franca kanë njoftuar pezullimin e Premier League, Bundesliga e Ligue 1, duke iu bashkuar kështu Italisë e Spanjës. I njëjti fat edhe për kampionatin skocez, e madje edhe Federata amerikano jugore ka zgjedhur të ndalojë Kupën Libertadores e kualifikueseve për Botërorin 2022.
Po sot erdhi edhe masa për ndalimin e kompeticioneve nga Uefa, bëhet fjalë për Champions e Europa League, e menjehërë edhe Franca reagoi duke ndërprerë kampionatet në vend. Gjermania fillimisht kishte zgjedhur të luante ndeshjet e fundjavës, për tu ndalur vetëm të hënën, por kujdesi coi më pas DFL (Federata gjermane) të vendoste pasdite të ndalonte kampionatin menjëherë. I njëjti vendim erdhi nga Premier League, i ndaluar deri në 4 prill.
Vendimi i FA angleze ka sjellë pasoja edhe tek Skocia: Federata skoceze ka lajmëruar pezullimin e futbollit kombëtar në interes të shëndetit e sigurisë së lojtarëve, zyrtarëve të ndeshjeve, stafit, tifozëve e publikut.
