Parlamenti votoi sot me 105 kartonë jeshilë dy anëtarë për Gjykatën Kushtetuese znj. Elsa Toska dhe Fiona Papajorgji. Deputetët bënë këtë zgjedhje pasi bënë një interpretim se pretendimet e Presidentit Meta për të zbatuar nenin 179/2 të Kushtetutës që përcakton radhën se si bëhet përzgjedhja e kandidatëve nuk duheshin marrë parasysh madje duke e quajtur të ligjshëm edhe vendin e Arta Vorpsit si anëtarja e tretë e Kushtetueses e paemëruar nga Kreu i Shtetit.
Në këto kushte kur Presidenca dhe Kuvendi kanë shikime diametralisht të kundërta për Kushtetutën mund të ndodhë që emërimi i dy prej zonjave që nuk janë miratuar sipas radhës që përcakton Kushtetuta, të mos pranohen të dekretohen nga Ilir Meta. Mirëpo në këtë pikë sipas Kushtetutës asnjëra prej tyre nuk mund të fillojë detyrën pa u dekretuar nga Presidenti (shiko poshtë).
Lexo më tej:
Pse u përplasën Meta dhe Dvorani/ Loja e pisët për të kapur kushtetuesen
Po si veprohet në këtë rast, nëse Meta refuzon të dekretojë një shkelje të Kushtetutës?
Në këtë rast, burime nga Rilindja bëjnë me dije se dy nga tre anëtaret që mund të bllokojë presidenti (njërën nuk e bllokon dot sepse ishte fiks radha e parlamentit për ta zgjedhur) ose t’i drejtohen Gjykatës Administrative, për ta zgjidhur këtë ngërç ose të shpikin një procedurë betimi para Kuvendit.
Andi Bushati: Vrasja e dytë e reformës “amerikane” në drejtësi
Megjithëse të dy këta precedentë do të ishin njësoj sikurse ato të betoheshin në zyrën e Ramës apo të Taulant Ballës, çdo gjë mund të ndodhë. Në një regjim ku Gjykata Administrative interpreton Kushtetutën dhe ku dekretet refuzohen të botohen në Fletoren Zyrtare, asgjë nuk është e pamundur.
Por, ashtu sikurse theksonte Fatos Lubonja në një intervistë në News 24 mënyra se si do pranojë të përdoren zonjat e Kushtetueses do të jetë dëshmia më e mirë e pavarësisë së tyre.
©Lapsi.al
