Moderatorja e televizionit lokal të Fierit, “Tv Apollon” Marsela Topi ka reaguar pas videos që bëri xhiron e rrjetit këtë të martë për shkak të fjalorit banal të përdorur në një studio televizive. Në një prononcim për Newsbomb.al, ajo ka treguar se nuk i është drejtuar kolegëve të saj, por dy personave që shoqëronin njërin nga të ftuarit të cilët ndërhynin gjatë gjithë kohës, duke i shkaktuar një stres të padurueshëm.
“Nuk u kam thënë kolegëve te mi, por dy personave që po shoqëronin Z. Cakrani. Ndërhynin gjatë gjithë kohës, duke shkaktuar një stres të padurueshëm. Emisioni është transmetuar në mbrëmje pas montazhit. Është regjistrim dhe këtë ua faktoj kur të dëshironi. Zakonisht emisioni fillon në orën 21:00.
Atë ditë pas montimit, filloi rreth orës 21:40. Këtë frazë montazhieri e ruajti për të më treguar se sa nervoze isha bërë. Une jam në komunikim të drejtpërdrejtë me teleshikuesit prej gati 2 vitesh, në emisione të drejtpërdrejta. Nuk kam dal asnjëherë nga vetja live", - u shpreh Marsela Topi.
Më tej moderatorja ka shtuar se publikimi i videos është përpjekje për t'i prishur imazhin dhe një sulm politik.
“Jam e bindur që kjo është thjesht një përpjekje për të më prishur imazhin, ose pse jo dhe një sulm politik. Përpiqem të jem sa më objektive në punën time, duke fituar zemrat e publikut të cilët më përcjellin çdo ditë konsideratat e tyre. Nuk ka staf në botë që pas kuintave, nuk është i lirshëm mes kolegëve. Është thjesht dashakeqësi', - deklaron Topi. ©LAPSI.al
[video width="848" height="432" mp4="https://cdnimpuls.com/lapsi.al/wp-content/uploads/2019/10/gazetarja-shthur-gojen-live.mp4"][/video]
