Quentin Tarantino zbuloi gjatë një interviste se cilët filma të viteve ’60-’70 e frymëzuan për të realizuar “Once upon a time in Hollywood”.
Mes shumë titujve të përmendur janë edhe “Mad Bomber” i Bert Gordon, me protagonist Vince Edwards (1973), “Barbarella” i Roger Vadim (1968), “Fantastic Voyage” i Richard Fleischer (1968), “El Verdugo” i Tom Gries (1969), “Cat Ballout” me Jane Fonda (1965) dhe “The Chase” (1966), me Marlon Brando, Robert Redford e Jane Fonda.
Lidhur me aktorët që e frymëzuan për protagonistin Rick Dalton, i interpretuar nga Leonardo Di Caprio, regjisori deklaroi: “Rick Dalton është ndërtuar nga shumë elemente të aktorëve të ndryshëm. Në të ka pak George Maharis, pak Edd Byrnes, Tab Hunter e Vince Edwards. Ishin të gjithë të pashëm, që e kaluan shumicën e karrierës së tyre me krehër në xhep. Por, më pas industria ndryshoi dhe rolet e protagonistëve nisën t’u jepeshin tipave androgjenë me flokë të shpupuritur, si Michael Sarrazin, Peter Fonda, Michael Douglas. Në këto vite, nëse një si Rick Dalton do të arrinte të merrte një rol, do të ishte ai i policit që ndiqte protagonistët”.
