Dafina Zeqiri sapo ka publikuar projektin e saj më të ri, një remake të këngës arbereshe “Lule Lule”, në bashkëpunim me reperin Lumi B.
Me anë të një komenti që e ka lënë në profilin e nënës së saj dhe që më pas e ka postuar dhe në story-n e vet, artistja ka treguar se kjo ka qenë kënga e parë që ka kënduar së bashku me mamanë, kur ka qenë vetëm 2 vjeçe.
“Lule Lule. Kënga jonë e parë që e kemi kënduar bashkë. 2 vjeçe unë. Të du mas shumti në botë! Ti ma ke dhuru një talent që ma ka shpëtu jetën, ashty qysh na ki shpëtu ti/ Nanë dhe babë, je shembull! Unë thjesh vetëm po vazhdoj rrugën tënde që jan mundu me ta ndërpre!! Fuqia e gruas!! Të dua Melihate Zeqiri..“- i shkruan Dafina nënës. Dhe meqë ra fjala, po të hedhësh një sy në Instagram-in e saj, do të shohësh që familja e thërret Dafinën, “Pepina”, që është një nga gjërat më të bukura që kam dëgjuar sot.
