Lideri i grupit “Alar Band” u kap në video duke hedhur mbeturinat në natyrë teksa ndodhej me grupin në Pogradec.
Videon na e dërgoi një ndjekës i “IconStyle” i revoltuar përballë faktit se figurat publike nuk po kontribuojnë aspak në mbrojtjen e mjedisit, aq më tepër kur bëhet fjalë për zona turistike.
“Ja “shembulli” që na japin këta “artistët” në zonën më të bukur në Pogradec. I hedhin plehrat sipas qejfit.”
Ishte një prej pjestarëve të grupit “Alar Band” ai që xhiroi videon me telefon. Në momentin kur ndizet kamera, lideri dhe vokalisti i grupit, Xhieldo, shikohet duke kthyer një pako ushqimi të konservuar, ndërsa shokët e tij bëjne shaka me të duke thënë se: “Ja shife, sa i preokupuar është për foton.”
Në këtë moment, Xhieldo kthehet, hedh pakon dhe kthehet përsëri nga kamera duke qeshur.
